Outra chulada!

Como ides co inglés?
Nesta páxina ides poder practicalo, coma en case todas as que vos subín deste estilo.

Se entrades en "composer" podedes escribir unha melodía e escoitala despois.
Hai tamén dous pianos (un deles máis simple, só de unha oitava) e un xilófono nos que podedes tocar cancións, improvisar... e gravarvos.

Atoparedes máis actividades interesantes, non só de música.
Estrebellade!!

Soundtoys

Nesta páxina de proxectos audiovisuais de artistas do máis diverso, ides poder desfrutar dunhas experiencias sensoriais marabillosas.

Algo diferente, sen dúbida

Para acceder aos contidos creados especialmente para vós, facede clic en "for kids"

Vai de música

Canto sabes sobre linguaxe musical? Ponte a proba con este cuestionario!

QUIZIZZ

Quizizz sobre o noso blog

Coñeces ben o noso blog?

Entra neste cuestionario e faino todas as veces que queiras, ata ter o máximo número de acertos posibles. Cando o remates podes ver as respostas correctas e saber así por que fallaches.

Quizizz O noso blog

Xilófono, metalófono e carillón virtuais

Ten un son bastante real, así que é estupendo para estudar aquí as vosas partituras.
Davos a opción de pór #FA e bSI, e podedes escoller entre o son do xilófono, do metalófono ou do carillón.
Tamén podedes tocar co rato ou co teclado (vai ser máis áxil), facendo clic no A

Do re mi musika bizi

Nesta páxina atoparedes infinidade de actividades musicais adaptadas ás distintas idades.
Está xenial, e ofrece o galego como idioma, algo máis ben pouco habitual.

Segue o ritmo!

Colle unha culler, un pau, un lapis... o que teñas á man, e xoga a seguir o ritmo con estes divertidos ritmogramas.

Robot dos instrumentos

Este xogo é moi divertido... eu aínda enredei un anaco nel.

O robot quere ordenar os instrumentos, pero precisa a túa axuda. Utiliza as frechas de dirección para movelo e recoller cada instrumento. Logo deberás deixalo na caixa que lle corresponda.

WOODWIND =vento madeira                 BRASS = vento metal      

PERCUSSIONS = percusión                          STRINGS = corda

Uns artistas estes de terceiro...

Noa Vigo e Xoel Aneiros déronme permiso para compartir con vós este material inédito: a primeira como súper percusionista e o segundo como compositor .

Xa vedes. Uns musicazos!

Os instrumentos e como se asocian

Páxina moi sinxela para saber máis sobre os instrumentos e como se agrupan en distintas familias, e así mesmo como se asocian para formar diferentes tipos de agrupacións.

Ten tamén unhas preguntas para poñervos a proba.